لكل يوم زوّادة:
بيخبرو عن جيران عم يحكو و يسألو بعضن شو اكتر شي عملوه و ساعدُن لمّا كانو بفترة صعبة بحياتن. كانت الأجوبة كتيرة مثلاً: حكِيت مع اختصاصي، اصحابي ساعدوني، عيلتي وقفِت حدّي، سافَرت، سكّرت تلفوني و بعّدت عن الناس لفترة...شخص واحد بس من الموجودين قال: صلّيت!
ليش الصّلا ما عم تكون اساسيّة بقا بحياة الناس و عم يفتّشو عا حلول بعيد عن الله و هوي الوحيد اللّي عندو سُلطة عا كل شي! اكبر مشكلة عنّا بكلمة منو بتختِفي! اصلاً ما لازم بس نصلّي وقت يكون بدنا شي لازم نصلّي تا نشكرو عا كل شي، لازم حياتنا تكون صلا و حوار مع الله! بيقول القديس اوغسطينوس: "الصلاة هي مفتاح السماء وبقوّتها يستطيع الانسان كل شيء." الله معكن!
#شربل سكران بألله
