لكل يوم زوّادة:
بتخبّر القدّيسة تريزيا الطفل يسوع عن فترة مرضها كانت محرورة كتير و الممرضة جابتلها شي سخن تدفّيلها اجريها فيه. صلّت تريز للرب و قالتلو يا يسوع انا عم بحترق و عم يجيبولي اشيا سخنة كمان يا ريت فيّي اشرب نص كبّاية مَي! بس بتعرف يا يسوع انا فرحانة كتير لو موجوعة لأنّي عم ساعدك تا نخلّص نفوس. فلّت الممرّضة من عندها و من المفروض ترجع تاني يوم. بتتفاجأ تريز فيها راجعة بعد دقيقة و جايبتلها شراب بارد!! تريز زغيرة السما صارت شفيعة لكتار مِنّا، ورودها ملّوا الدني و ما حدا قَصَدها رجع خايب هيّي اللي قضت حياتها عالأرض توزّع حُبّ و كمّلت نفس الشي بس صارت بالسما🌹❤
#شربل سكران بألله
