لكل يوم زوّادة:
من زمان كانو يحملو جرار عا كتافن و يمشو مسافات تا يملو مَي من العين بالضِيَع. بتخبّر مرا ختيارة لمّا سألوها شو تعلّمت من هالتجربة انّو لمّا تحمل مَيّاتك عا كتفك كل الطريق و تكون معذّب مسافة طويلة تا تعبيهن بتصير تعرف قيمة كل نقطة مَي و ما بتفرّط فيهن! منشكرك يا رب إنّك ما خلّيتنا نتعذّب تا نعرف القيمة و انت تعذّبت عَنّا، منشكرك يا ربّ إنّك ما خلّيتنا نموت تا نعرف قيمة الحياة و انت متت عَنّا و قمت كرمالنا، منشكرك إنّك وفّرت علينا ندوق هالكاس و اختصرتلنا طريق السما... منحبّك يا يسوع، كون رفيقنا بنهارنا اليوم و كل يوم.
#شربل سكران بألله
