لكل يوم زوّادة:
بيخبرو انّو قوانين الدير اللي كانت فيه القدّيسة تريزيا الطفل يسوع كانو ما بيسمحو للراهبة تطلع من الدير تحت اي ظرف و معروف عن تريز قدّيش معلّقة ببَيها خصوصا بعد ما توفّت امها. تخايلوا قدّيش كان صعب عليها تعرف انّو بَيها مريض كتير و يمكن ما يعيش و كل ولادو ترهّبوا ما عندو حدا يهتم فيه! قدّيش قلبها الزغير الحنون زعل انها مش قادرة تغمرو و تكون حدّو... صلّت من كل قلبها للعدرا شفيعتها و قالتلها يا عدرا انا هون بالدير بهتم بإبنك يسوع و انتي اهتمّيلي ببَيّي! شو هالإيمان اللي عندها! نيّالها! نحنا يمكن كنّا ضعفنا و فلّينا او كنّا عاتبنا ربنا عهالموقف الصعب بس تريز بتعرف انّو اهتمام سكّان الارض ما بيبيّن قدّام حبّ و اهتمام سكّان السما! شوفوا البَي اللي تريز وصّت العدرا فيه صار اليوم قدّيس! الله يرافقكن و يقدّسكن!
#شربل سكران بألله
