لكل يوم زوّادة:
بيخبرو عن زلمي قاعد بقهوة هوّي و رجّال تاني عم يحكوا و يضحكوا اللي بيشوفن بيقول أعزّ ّ الأصحاب. بعد شوي قام واحد منّن فلّ بيقول التاني: شو بِكرهو هالإنسان منيح اللي راح!
إنّك تكون مش صادق بِتَعَاملك مع الناس ما بتستفيد شي و إنّك تمثّل المحبّة كمان بشع كتير! يسوع قلنا أحبّوا بعضكم بعضا، قَلنا باركوا لاعنيكم، قَلنا أحبّوا اعداءكم، قَلنا إن ضربك أحد على خدّك الأيمن أدر له الأيسر... وين نحنا من وصاياك و تعاليمك يا ربّ؟ رِدنا عا دربك يا رب و رجّعنا صوبك تا نحبّ متل ما طلبت مِنّا و أكتر، حتّى نعكس صورتك للكلّ و نطلع من أحكام الارض السطحيّة و علّمنا نتذكّر إنّو عدالتك جايي كرمال هيك قلتلنا استفيدوا من رحمتي قبل فوات الأوان...
#شربل سكران بألله
