لكل يوم زوّادة:
بيخبرو عن بيّ تخرّب ببيتو البراد و كان متّكل عا ابنو يصلّحلو اياه. تطلّع فيه الشّب لاقى القصة بدّا شغل قال لبيو: خلص منكبّو و بشتريلك براد جديد.
جاوب البي: انتو هالجيل شو سهل عليكن تتخلّو عن الإشيا و تبدلوها بغيرها بدل ما تجربو تصلحوها و هالشي كمان بتعملوه بعلاقتكن مع الناس! اذا حدا غلّط يتبرمو ضهركن و بتمشو بتفتّشو عا غيرو و ما بتعطوه فرصة يبرهن انو الشي اللي صار بيتصلّح! يسوع لما سألو بطرس: يا رب، كم مرة يخطئ إلي أخي وأنا أغفر له؟ هل إلى سبع مرات؟ جاوبو: لا أقول لك إلى سبع مرات، بل إلى سبعين مرة سبع مرات! الله معكن...
#شربل سكران بألله
