لكل يوم زوّادة:
بيخبرو عن ام قرّرت تعلّم ولادها التلاتة درس مهم. عطيتهن شوكولا و قالتلُن اذا راحوا اكلوه بمطرح ما حدا بيشوفن بيطلعلُن هدية. فرحوا الولاد بهالتحدي السّهل و بعد شوي رجعوا. قالتلن شو عملتوا؟ قلها الصبي الكبير: رحت عا اوضتي قفلت الباب و اكلت الشوكولا و ما حدا شافني. قال الابن الوسطاني و انا رحت عالجنينة تخبيت ورا شجرة ما حدا شافني و خلّصت الشوكولا و كل واحد منن مفكر انو الهدية الو اكيد! شوي اجت البنت الزغيرة و الشوكولا بإيدها، قالتلها امها ليش ما اكلتيه؟ جاوبت البنت صرلي ساعة بفتّش عا مطرح ما حدا يشوفني بس ما كنت لاقي لأنو وين ما روح بعرف انو الله شايفني! هالزغيرة عرفت انو الله موجود وين ما كان و بيشوف كل شي بس اخواتها مع انن بيعرفو هالشي كمان بس كانو مركزين عالهدية و تصرفوا عهالأساس و انتو؟ الله معكن
