لكل يوم زوّادة:
بيخبرو عن بنت زغيرة وِقعت كبّاية من ايدها و انكسرت. شوي بتشوف امها كنّست القزاز و حطّتهن بعلبة بلاستيك و سكّرتها منيح و كبّتها بالزبالة.
استغربت البنت و سألت امها ليش حطّت القزاز بعلبة. جاوبت الإم: احسن ما شي ولد اذا حِمِل الكيس يجرح حالو!
هالإم فكّرت بالاولاد لقليل اللي بيفكّر فيهن، بناس العالم بتحكي عنّن بطريقة بشعة و بيعاملوهن بفوقيّة. هالإم سمعت صوت يسوع عم يقول: كل ما فعلتموه لأحد اخوتي الصغار فلي عملتموه...الله معكن
#شربل سكران بألله
