لكل يوم زوّادة:
بيخبرو عن صبيّة عايشة مع جدها. سألتو بيوم من الإيّام اذا فيها تروح تشتغل بالمدينة لأنّو بالضيعة فرص العمل قليلة. قلها اكيد! راحت هالبنت و هيّي و عالطريق شافت بسَينة مجروحة و استغربت كيف بعدها عايشة بالهحالة الصعبة! شوي بتشوف بسَينة تانية حاملة بتمها اكل قرّبت حدّ البسينة المجروحة و عطيتها الأكل! ساعتها عرفت كيف بعدها عايشة لأنّو في حدا عم يهتمّ فيها...فكّرت هالبنت انّو اذا هالبسَينة الله بعتلها حدا يهتمّ فيها، اكيد هيّي كمان حدا رح يهتمّ فيها لو ما اشتغلت و رجعت عند جدها! سألها ليش رجعت بسرعة خبّرتو القصّة...قلها: ليش نقّيتي تكوني البسينة المجروحة بدل ما تكوني القويّة اللي هيّي بتهتم بغيرها!؟ معو حق! اكيد ربنا بيحطّ بدربنا ناس يوقفو حدنا وقت اللازم و كمان حلو نفكّر نكون نحنا ايد الله اللي بتساعد غيرنا! الله معكن
#شربل سكران بألله
