لكل يوم زوّادة:
بيخبرو عن رجّال ختيار ما عندو حدا ساكن لحالو. بس صار اشتراك الكهربا غالي كتير ما قدر بقا يدفع.
كان متأكّد انّو صاحب الإشتراك اللي هوّي ابن عمّو رح يطوّل بالو عليه بالدفع بس تفاجأ لمّا قطعلو الكهربا و قال ما عم توفّي معو... بوقت جارو ما بيعرفو للختيار ناقل جديد عالحَي بس سمع بالقصّة مد شريط كهربا من بيتو للختيار بدون مقابل! مين طلع بيقربو اكتر؟ ابن عمّو او الجار الغريب؟...بتذكّرنا هالخبريّة بمثل السامري الصالح... خلّونا كل واحد منّا قد ما بيقدر يكون السامري الصالح بحياة الناس اللي منلتقي فيهن متل ما قال يسوع بآخر المثل: «اِذْهَبْ وَٱفْعَلْ أَنْتَ هٰكَذَا». — لوقا ١٠:٣٦، ٣٧... الله معكن
