لكل يوم زوّادة:
بيقولو انو اهمّ ٥ دقايق بيوم اي شخص هني آخِر ٥ دقايق قبل ما يِغفى! فيهن بيراجِع نهارو كلو و بيقيِّم الأحداث. هون انتَ حرّ تفكِّر بسلبية او بإيجابية. فيك تقول انو ما في ماشي، كان نهار مش حلو و ما شي زبَط معي و تخلّي عقلَك يركِّز عا اشيا بشعة او تفكِّر بشغلات حلوة انو الحمدلله صحتي منيحة، بشكر الله عا اشخاص موجودين بحياتي و عا كتير نِعَم غير. بتقول الدّراسات انو دماغ الإنسان ما بيعرِف يفرِّق بين الفكرة اللي منفكِّر فيها و بين اذا عايشين الشَّغلة عنجد. بتصير عايِش بأفكارك و عم يتحكّموا فيك بوقت يمكِن ما يكونوا مزبوطين! عوِّد حالك تفكِّر بإيجابية بتتغيَّر كل حياتك! فكِّر بيسوع، وحدو قادِر يحوِّل كل زعَل لفرح و كل شر لخير متل ما حوَّل المي لخمر... مع يسوع كل شي احلى... الله معكن
#شربل سكران بألله
