لكل يوم زوّادة:
بيخبّرو عن استاذ فات عا صفّو و قال للتلاميذ انو عندُن امتحان بدون تحضير. كلُّن عِتلوا همّ انو مش دارسين. وزّعلُن الوراق و تفاجأوا انو ما في اسئلة عالورقة! كل اللّي شافوه هوّي نقطة سودا بنُصّ الورقة. طلَب منُّن يُوصفوا اللّي شايفينوا. كلّن كَتَبوا انو في نقطة سودا بنُصّ الورقة. قلُّن الإستاذ ليش كِلكُن ركّزتوا عا نقطة زغيرة و ما حدا منكُن حِكي عن الشّقفة البيضا من الورقة اللي هيّي اكبر بكتير! الفكرة انو نحنا هيك عاطول منِنسى شو عِنّا نِعَم و بركات كتار بِحياتنا و ما منشُكر ربنا عليها و منركِّز بس عالشّي الزغير اللّي زاعِجنا او اللّي ما عنّا اياه و منعاتِب ربنا عليه!...فكّروا فيها و الله يرافقكن!
#شربل سكران بألله
