لكل يوم زوّادة:
مار بطرس الرسول لما مِشي مع يسوع عالمَيّ و خاف و بلَّش يوقَع قلّو الرب: " يا قليل الإيمان، لماذا شككت؟" (متى14: 31).
بتعرفو شو احلى شي بالدّني؟
حياة التّسليم! لما تسلِّم الله حياتك و تحطّها بين ايديه وتِنساها هونيك! وتكون اكيد بقلبَك و بعقلَك انو هوّي رح يدبِّر كل شي لمّا يصير الوقت... انت عليك شغلتين تسلِّم و تعرِف تنطُر بصَبر!
ما تحطّوا حدود بينكُن و بين الله، سلّموه كل شي و تذكّروا لوين وصِل ابراهيم بتِسليمو لمشيئة الرّب اللّي بيقِلّنا عنّو العهد القديم: "كذلك أخذ ابنه الوحيد ليقدّمه ذبيحة محرقة، مسلّماً الأمر لقدرة الله التي تستطيع أن تقيم من الأموات." (عب11) و بتعرفو كمالِة القصة...الله معكن!
#شربل سكران بألله
