لكل يوم زوّادة:
بتخبِّر القديسة تريزيا الطفل يسوع انو كان في سِت مريضة ولادها كانو يجوا يقعدوا عند عيلة تريز و هيّي كانِت تِحكي معُن و تلعِّبُن. بِتقول انو كانو يصدّقوا كل شي بتقلُّن اياه، فقالتلُن انو الولاد العاقلين بيربَحُوا اشيا كتير حلوة ما حدا فيه ياخدلُن اياها مع يسوع بالسّما. صاروا يسألوا بدن يعرفوا اكتر عن يسوع و عن السّما و تريز تجاوبُن... بالنّهاية لما يتربّى الولَد عالإيمان بيكبَر معو ايمانو و بيصير مراية الرّب وين ما تواجَد... ربّوا زغاركن عا حُب الرب و الله معكن!
#شربل سكران بألله
