لكل يوم زوّادة:
بيخبرو انّو لمّا توماس اديسون اخترع اللمبة طلب من شب بالمكتب يجرّب الإختراع. تلبّك كتير الشب و من كتر ما خاف وقعت اللمبة من ايدو و انكسرت! استحى و زعل كتير و خاف يخسر شغلو. تاني يوم بيرجع اديسون بيعيّطلو و بيكونو كل الموظّفين موجودين و بيرجع يطلب منّو يجرّب لمبة تانية رجع صنعها! استغربوا الكل و قالولو انّو ليش اختار نفس الشخص و في احتمال كبير يرجع يكسرها و يروح التعب عالفاضي! قلّن اديسون: اذا انكسرت اللمبة بتاخد معي يوم تا اعمل غيرها بس اذا ما عطيت هالشب فرصة يجرّب مرّة تانية و بقي مفكّر انّو هوّي ما بيقدر يعمل هالمهمّة يمكن تاخد معو حياتو كلها ليرجع يبني ثقتو بحالو! يا ريت الكل بيفكّر هيك و بيساعد الناس بدل ما ينطرن عا غلطة تا يكسرن و يدل عليهن! من منكم بلا خطيئة فليرجمها بالحجر الأوّل...الله معكن
#شربل سكران بألله
