لكل يوم زوّادة:
بيخبرو عن ولد بعيلة فقيرة عم يحلم بهديّة عالعيد بس عارف انّو هالشغلة صعبة تتحقّق... مرّة فات عالبيت لاقى علبة تحت الشجرة و مكتوب عليها اسمو! فرح كتير بس لمّا فتحها بيّنت خيبة الأمل عا وجّو...كانت العلبة فاضية! بس فيها رسالة من أهلو مكتوب فيها: نحنا منعتذر انّو ما قدرنا نجبلك هديّة متل رفقاتك بس عبّينالك هالعلبة بَوسات و غمرات كتار! منحبّك كتير!
ركض هالولد لعند أهلو و غمرن و عرف انّو الهدية مش بقيمتها الماديّة، في ناس مجرّد وجودن بحياتنا هديّة لازم نشكر ربنا عليها كل يوم! الله يكتّر من هالهدايا بحياتكن و الرب يكون معكن!
#شربل سكران بألله
