لكل يوم زوّادة:
بيخبرو عن أبونا بصف التعليم المسيحي بالمدرسة عم يعلّم الولاد تراتيل و يفسّرلن انّو في منّن مزامير مرتّلة متل المزمور ٢٣ و طلب منّن يحفظوه للمرّة الجايي. صار يسمّعلن وصل دور صبي بيوقف بيقول: الرب راعي فلا يعوزني شيء و قعد. بيسألو الأبونا ليش ما درس الباقي بيقلّو الصبي بكل براءة: بيكفي أعرف انّو الرب راعي و لا يعوزني شيء شو بدّي بعد!
عنجد شو بدنا بعد! الله معنا وين ما كنّا و ما بيخلّينا نعوز شي و عاطول بيتدخّل بالوقت اللازم و بيعطينا حاجاتنا و زيادة حسب حكمتو! بزمن العيد دعوتنا للكل نرجع للرب و نعيش معو الحب و نوثق فيه نسلمو كل شي و الله معكن
#شربل سكران بألله
