لكل يوم زوّادة:
ببلَد اكلو ملوّث و المَي ملوّثة و الزبالة وين ما كان عم تهدّد صحّة الناس و الدّوا خالصة مدّتو او مقطوع و الطّبابة كتير غالية مقارنةً مع معاشات الناس، مرض السرطان عم يهدّد الكل...
هالمرض اللّي ما عم يوفّر حدا لا زغير و لا كبير عم يوجّع الكل... اليوم صلاتنا عا نية كل مريض، كل موجوع، كل شخص فقَد الأمل و استسلَم، كل عيلة عم تهتمّ بِحدا مريض، كل اهل مش عارفين اذا ابنن بيعيش لأنو كمشة وراق اسمهن مصاري بيقرّروا هالشّي، عا نيّة كل طبيب و ممرّض/ة عم يشوفوا الوجع و مش قادرين يعملو شي، عا نية كل شخص حياتو و مستقبلو بخطَر بوقت اقلّ حقوق الإنسان هيّي الرّعاية الطبية!
منصلّيلك يا رب تكون معن، تشدّ عا ايدن و تشفيهن... يا طفل المغارة ما ينحرَم حدا من نعمة الصحة...آمين
#شربل سكران بألله
