لكل يوم زوّادة:
بيخبرو انّو كان في حبل معقود كتير و تنين اصحاب عم يفكرو كيف بدّن يفكّو العقدة الكبيرة. قال الأوّل منجيب سكّين منقصها و خلص! قلّو التاني أهين شي تنقّي الطريقة السهلة و تهرب من المشكلة بس احسن نفتّش عا أوّل الحبل و نلحق العقد و نفكّن وحدة وحدة بتنحل وحدها العقدة الكبيرة!
حِلو نبلّش سنتنا الجديدة بأمل، بإصرار انّو ما رح نستسلم قدّام العقد، ما رح نختار الطريق السهل، رح نواجه و نوصل لأهدافنا اذا كانت بتخدم مشيئة ربنا اكيد! يا رب حط ايدك بإيدنا و ساعدنا نفك المشاكل و العقد اللي رح تواجهنا معك ما منخاف من شي! الرب يبارك السنة الجديدة و تبقو مجموعين مع اللي بتحبّوهن بالصحّة و الفرح و الأمان
