لكل يوم زوّادة:
بيخبرو عن مجموعة اصحاب بيزوروا من وقت للتاني استاذن الختيار. صاروا يحكوا عن حياتن و كيف ما في شي منيح و كل شي صعب و يقارنوا حياتن مع بعضن... قام الأستاذ عمل قهوة و حط عالصينية فناجين من كل الأحجام و الأشكال شي بلاستيك شي كرتون شي قزاز شي كريستال شي كبير شي زغير... كلّن تسابقوا ياخدوا الفناجين الحلوين و الغاليين شوي كلّن وقفوا يشربوا و تطلّعوا ببعضن! حطّلن قهوة مالحة! و قلّن انّو القهوة الحلوة كانت بالفناجين المتواضعة و بس عمل هالشي تا يفرجيهن انّو بس يهتم الإنسان بالمظاهر ما بيوصل لمطرح و تا يذكّرن انّو الجوهر هوّي الأهم و انّو اذا هنّي شايفين حياة غيرن مثاليّة و مش عاجبتن حياتن مش ضروري يكون اللي شايفينو صح او لا لازم يقارنوا حالن مع حدا! اشكروا الله عا كل شي و اشتغلوا عا حالكن يصير قلبكن احلى و هيدا الأهم! الله يرافقكن...
#شربل سكران بألله
