لكل يوم زوّادة:
بيخبرو عن تنين اصحاب قرّرو يشاركو بمسابقة ركض. واحد منّن كل يوم يوعى بكّير و يروح يتمرّن و التاني يضحك عليه يقلّو ما في داعي ابدا للتمرين ما انا بطل السنة الماضية و اسرع واحد بالمدرسة. بيوم السبق بلّشت المنافسة و كان اللي ما تمرّن هوّي الأوّل بس وصل لنص السبق و ما بقا قدر يكمّل من التعب و انسحب و بالآخر ربح رفيقو اللي تمرّن كل يوم! الزوّادة بتقلنا ما تتّكلو عا قوّتكن وحدها لازم تضلّو عم تتمرّنو بكل شي بالحياة حتّى بعلاقتنا مع ربنا! ما بيكفي قول أنا مؤمن و خلص، لازم ضل صلّي و غذّي إيماني تا يكبر أكتر و صير أقرب للرب! الله يرافقكن و يعطيكن القوّة تكَملوا كل شي للآخر.
#شربل سكران بألله
