لكل يوم زوّادة:
بيخبرو عن بنت زغيرة اجِت عالبيت معها بإيدها تفاحة حمرا سألتها امها من وين جابِتها قالِتلها انّو قطفِتها من شجرة الجيران بلا ما تسألُن. فسّرتلها امها انو ما لازم تاخد شي بلا اذن و انو لازم تروح عند الجيران تعتذِر منن. كانت هالزغيرة مستحيّة كتير و مش عارفة شو بدا تقلّن! بس راحِت و تعلّمت درس مهمّ بهالنهار و من عشية اجالها هدية علبة مليانة تفاح! هالزغيرة هيّي اليوم طوباوية بالسما اسمها كيارا لوتشي، صبية عادية متلنا حاربِت السرطان بفرح و حبّت يسوع كتير! صلاتها تكون مع الكل و تعطينا نتمثّل فيها و بشجاعتها و ايمانها!
تابعونا على صفحتنا فيسبوك شربل سكران بألله
#شربل سكران بألله
