لكل يوم زوّادة:
بيخبرو انّو كان في شب اسمو سيبستيانوس فات عالجيش تا يقدر يساعد المسيحيين المضطهدين. صار يتفقّد المحبوسين و يدفن الشهداء و تلقّب بمحامي الكنيسة. لمّا رفض يسجد للأصنام حبسو الملك. ساعتها ظهر يسوع المسيح و معو ٧ ملايكة تفاجأوا الموجودين و كتار منّن آمنوا! عصّب الملك كتير و أمر إنّو يربطوه لسيبستيانوس عا خشبة و يصوبوا عليه بالسهام الحديد نجرح كتير و نزف كتير فكّروه مات تركوه و فلّوا. إجت ستّ مسيحيّة إسمها ايرينا عالَجِتلو جروحو و نصحوه يتخبّى بس ما قِبل و كمّل التبشير بالإيمان. و لمّا الملك شافو عايش عصّب كتير و أمر يضربوه تا يموت... و هيك لِبس إكليل الشهادة... يا رب اعطينا من شجاعة سيبستيانوس، آمين!
#شربل سكران بألله
