لكل يوم زوّادة:
بتتخايلو انّو القدّيسة تريزيا الطفل يسوع كانت "شرّيرة"؟! بتخبر انّو امها كانت تقول عنها ذكيّة كتير و محتالة و عنيدة. بتكمّل و بتقول انّو لمّا تريز تقول لأ ما في قوّة بالدني بتخلّيها تغيّر رأيها حتّى لو هدّدوها بقصاص كبير متل تقعد بالقبو نهار كامل! هيدا عناد تريز الطفلة اللي ما قبلت تكبر و حملت الطفولة بإسمها بالدير! كِبر عنادها معها و صارت عنيدة بالإيمان، عنيدة بحب الرب، عنيدة بتحمّل الوجع و عنيدة بالقداسة! تريزيا الطفل يسوع، انشالله عطر ورودك بيملّي الدني و عنادك بالإيمان بينزرع بقلب كل واحد مِنّا و نحبّ يسوع متلك...آمين
#شربل سكران بألله
