لكل يوم زوّادة:
بيخبرو عن قصر بيشتغلو فيه ٤ حرّاس. كل حارس واقف عا ميلة من القصر و ولا مرّة واحد منّن شاف الّا الميلة اللي هوّي بيحرسها. و لما انطلب منّن يوصفو القصر، كانت الأجوبة مختلفة مع انّن عم يوصفو نفس المطرح بس كل واحد عم يخبّر من الزاوية اللي هوّي شايفها! و هيك نحنا، ما تسمحوا لحالكن تحكموا عا حدا او عا حدث معيّن لأنكن بتكونوا شايفين الأمور من زاوية وحدة و الصورة ما بتكون مكتملة و في احتمال كبير تظلموا الناس بحكم جزئي! لا تدينوا كي لا تدانوا! الله معكن!
#شربل سكران بألله
