لكل يوم زوّادة:
بيخبرو عن شب طَموح محمّس كتير يصير رجُل اعمال ناجِح. كان يضلّ يشتغل ليل نهار حتى يحقّق هدفو. مرّة كان ماشي بيمرُق بجنينة كنيسة و بيشوف زلمي ختيار قاعِد. حشريتو خلّتو يقرّب من الختيار و يسألو شو عم يعمِل.قلّو الختيار: عم بتأمّل جمال الطبيعة و اشكر ربنا عا كل هالإشيا حولي. قلّو الشب: هيدا تضييع وقت، انا ما فيّي اقعُد متلَك عندي اهداف لازم حقّقها. ابتسم الختيار و قلّو: اوقات الانسان متل السّهم لازم يرجع لورا تا يرجع ينطلق اقوى و الحياة مش شغل و بس! ما فهِم الشب شو سِمع! بعد كم سنة صار رجل اعمال كبير بس ما كان عندو لا عيلة و لا اصحاب يتشارَك معُن نجاحو و كان كل وقتو شغل و يضلّ تعبان، لوقت ما تذكّر نصيحة الختيار! تطلّع صوب السّما، شكر الله عا كل شي، اخد عطلة كرّسها كلّها للرّب و من بعدها رِجع اقوى! انتَ يا رب قوتي...الله معكن
#شربل سكران بألله
