لكل يوم زوّادة:
الطفل بيفكّر انو كل الأباريق سخنة لأنو مرة في ابريق حرَقلو ايدو! و الإنسان هيك بِطبعو لما يخيب امَلو بِحدا بيصير كتير صعب يرجَع يوثَق بالناس و اذا شخص سبّبلو اذيّة بيصير يشوف كل الناس مؤذيّين ...و الأمثلة ما بتخلَص!
ربنا بيقلنا اوثقوا فيي، انا هوي الطريق و الحق و الحياة. وحدو يسوع المسيح مصدَر الأمان. معو بتسقُط كل افكارنا القديمة، معو تعلّمنا مفاهيم جديدة، معو كبرنا و صرنا نعرِف نميّز، معو و مع مواهب الروح القدس صرنا نفهم الإشيا اكتر و ما بقا نشوف المواقف بعيوننا البشرية بس! يا رب عطينا نكون اطفال بالروح و حكماء بالحياة حتى معك نتخطّى كل الصعوبات...آمين
#شربل سكران بألله
