لكل يوم زوّادة:
بتخبّر القديسة تريزيا الطفل يسوع انو بالمشاوير اللي كانت تروحُن مع بيها كانِت تحب تساعِد الفقراء اللي بتلتقي فيهن. بتقول انو مرة التقِت بزلمي عالعكازات و راحِت عم تعطيه مصاري بس ما قبِل و حسّت مع انو
كان عمرا ٦ سنين بس انو بدل ما تساعدو جرحِتو، في ناس صعب عليهن كتير يقبَلو المساعدة... بهالوقت كان بيها جَبلها قطعة حلو كانِت حابّة كتير تقدمّها للزلمي بس خافِت يرفضها كمان...بتكمّل تريز و بتقول شي كتير حلو: كان بدي قدّملو شي ما بيقدَر يرفضو! كرمال هيك قرّرت صلّيلو بأول قربانتي! الصّلا ما حدا فيه ما يقبَلها! و بعد ٥ سنين من هالنهار لما عملِت اول قربانة، ما نسيِت تريز و وفيِت بوعدَها و قالِت انشالله يكون يسوع استجاب صلاتي لهالزلمي...! شو حلوة تريز و شو حلو قلبها
#شربل سكران بألله
