لكل يوم زوّادة:
بيخبرو عن عيلة فيها البي حطّاب. كانِت طلبات الولاد كتيرة كل يوم بدُّن شوكولا و العاب. كان البي يشتغِل كتير تا يؤمّن هالشّي و ما يحسّوا الولاد بأي نقص... بيوم من الإيام مرِض البي كتير و ما بقا قدِر يروح عالشّغل. حملِت الأم العدّة و راحِت هيّي تحطَّب! ما قدرِت تجمِّع نفس كمّية الحطَب متل قبل، طلعلَها مصاري اقلّ بيكفوا بس تا تجيب اكل... صرخوا عليها الولاد كيف اجِت بلا لِعَب و شوكولا و قالولها انن ما بيحبّوها! هيّي مش قادرة تتحرّك من التّعب بس ما حكيِت شي... زعِل كتير البي المريض من اللّي سمعو و قلّن بكرا الصّبح بتروحوا مع امكن عالشّغل! لما راحوا و شافوا قديش عم تتعب تا تجبلن اكل زعلوا من حالُن و اعتذروا منها و عِرفوا قيمة النّعمة اللّي هنّي مفكرينها تحصيل حاصِل... يا رب اعطينا نقدِّر النّعمة و نعرِف نشكُر...آمين
#شربل سكران بألله
