تخايلو لو كل إنسان بيكون مكتوب عا جبينو أيمتى بيفلّ من هالدني، كنتو بتعاملوهن بنفس الطريقة؟
كم شخص ندمنا إنّو ما قضّينا معو وقت أكتر ، كم شخص ندمنا إنّو ما ردّينا عا تلفونو قلنا بعدين منحكيه، كم شخص ندمنا إنّو زعّلناه و ما لحقنا نعتذر مِنّو و غيرها من المواقف اللي لو كنّا عارفين أكيد كنّا غيّرناها...
يمكن إذا منتصرّف كل يوم كأنّو آخر يوم بتصير الحياة أحلى و أصدق و كلها محبّة!
قد ما اخترع الإنسان و تطوّر و تقدّم و إشتغل عا حالو بيضلّ عقلو ما بيستوعب سر الموت بس نحنا ولاد الله أكيدين من شغلة وحدة: يسوع غلب الموت و هالشي بيكفينا تا نعيش كل يوم عا رجا القيامة!...
من وقت للتاني منذكر هالموضوع مش تا نفتح جروح و لا تا نزعل، بالعكس حتّى نرجع نبَرمج بوصلة حياتنا عالإتّجاه الصحيح... و الله معكن.
#شربل سكران بألله
