بيخبرو عن ستّ ماشية عالطريق بفوت فيا زلمي بيوقعلا جزدانا بيركض يلمو وبيعتذر منا، بتقلّو ولو أصلاً حقّ عليّي أنا مش عم بتطلّع قدّامي نشالله ما صارلك شي؟
كفت طريقها و وصلت عالبيت، واقفة عم تجلي بيِجي إبنا يوقف حدا مدري كيف برمت تفركشت فيه و بلّشت تصرخ عليه زيح من وجي بسرعة!
بيزعل الصبي، بيروح ينام عم يبكي.
بعدين بتلاقي الأم باقة ورد كان الصبي جايبلا ياها بس هيّي عيَّطت عليه و صارت تعاتب حالها و ركضت عأوضتو و غمرتو و تبوسو!
العبرة اليوم بتقلنا إنّو الإحترام اللي منعامل فيه الغريب بيستاهلو كمان أهل بيتنا !
بيقولو جدودنا القريب قبل الغريب نحنا ما عم نطلب أكتر من عالقليلة نعاملن بذات الطيبة و نراعيلن شعورن.
لو القريب بيحبنا و بيتحمّلنا بس كمان حلو نبادلو الشعور و مش دايماً نفش خلقنا فيه.
#شربل سكران بالله
