“كتير صعب يكون عيد ميلادي قبل بيوم من التاريخ يلي خسرتك فيه”.. خطيب شهيدة المرفأ يستذكر حبيبته

قبل يومين من ذكرى انفجار مرفأ بيروت وبمناسبة يوم غد 3 اب عيد ميلاد خطيب شهيدة فوج الاطفاء سحر فارس، توجه خطيبها جيلبير كرعان عبر حسابه على انستغرام إلى ملاكه وكتب:

“سحوّرةقرّب ٣ آب ، عيد ميلادي، التاريخ يلي ماكان يعنيلي شي و انت كنتِ تضلك مصرّة انو تحتفلي في من قبل بجمعة ، كنتي تفاجئيني و تعمليلي مش عيد بس ، كرنفالات لهيدا النهار، كنت قلك سوسو هالنهار ما بيعنيلي ابداً وانت تردّي معقول تاريخ ميلاد الغالي يقطع هيك !مكنت حب هالنهار من قبل ما اخسرك، هلق صرت اكرهوا كره، كتير صعب يكون عيد ميلادي قبل بيوم من التاريخ يلي خسرتك فيه وخسرت كلشي كلشي ، ما انت كلشي كنتِ”بعد كم يوم ٤ آب بصرلك سنة غايبة يا حنونة، ٣٦٥ يوم كأنهم ٣٦٥ سنة، ٣٦٥ قرنبالذكرى الأولى بدي قلك انو ما رح نهدا حتى ناخد حقك انت و رفقاتكبالذكرى الأولى رح قلك انك كنتي حياتي و قلبي و فرحتي بالحياة و رح تبقي للأبد

بدي اطلب من كل المحبّين ما حدا يعيّدني بي ٣ آب، بدي اطلب من الكل بدل ما يعيّدني يضوّي شمعة و يصلي عن روح خطيبتي البطلة سحر فارس ملاك كل بيتباللحظة يلي غبتي فيها انطفت شموع عمري ، بقلبي و عقلي لآخر نفس يا كل العمربحبّك كتير و اشتقتلك اكتر يا حنونة “.

وارفق النص بفيديو مؤثر للعيد الاخير الذي أمضاه وسحر العام الماضي قبل استشهادها.

#شربل سكران بألله